Pune News : लेखक राजन खान यांच्या मुलाने उचलले टोकाचे पाऊल, चिठ्ठीतून आले कारण समोर!

<p style="text-align: justify;"><strong><a title="पुणे" href="https://ift.tt/UDPn3pH" data-type="interlinkingkeywords">पुणे</a> :&nbsp;</strong> मराठी साहित्यातील सुप्रसिद्ध लेखक राजन खान (Rajan Khan) यांच्या मुलाने टोकाचे पाऊल उचलले असल्याचे समोर आले आहे. पुण्यातील सोमटने फाटा (Pune Somatane Phata) येथे ही धक्कादायक घटना घडली आहे. डेबू राजन खान (Debu Rajan Khan) असे या युवकाचे नाव आहे. वयाच्या अवघ्या 28 व्या वर्षी त्याने असे टोकाचे पाऊल उचलल्याने खळबळ उडाली आहे. आत्महत्या करण्यापूर्वी त्याने सुसाइड नोटदेखील लिहीली आहे.&nbsp;</p> <p style="text-align: justify;">लेखक राजन खान यांच्या आयटी अभियंता मुलाने (IT Engineer)आत्महत्या केल्यानं खळबळ उडाली. पुण्यातील सोमटने फाटा येथे ही घटना सोमवारी सायंकाळी समोर आली. डेबू राजन खानने गळफास घेत आयुष्य संपवलं. आर्थिक विवंचनेतून त्याने हे टोकाचे पाऊल उचलले, तसा उल्लेख आत्महत्या करण्यापूर्वी लिहिलेल्या चिठ्ठीत केला आहे. लेखक राजन खान यांचा मुलगा डेबू आयटी अभियंता होता अन तो सोमटने फाटा इथं एकटाच राहायचा. मात्र सोमवारी सकाळपासून त्याने घराचे दार उघडलेच नाही. हे पाहून दुपारी घर मालकिणीने डेबूच्या भावाशी संपर्क साधला. भावाने ही डेबूशी फोनवरून संपर्क साधण्याचा प्रयत्न केला, तो न झाल्याने पुण्यात राहणाऱ्या भावाने सोमटने फाटा गाठलं अन घराचे दार ठोठावले. पण डेबूने काहीच प्रतिसाद दिला नाही, शेवटी तळेगाव पोलिसांशी संपर्क साधण्यात आला.&nbsp;</p> <p style="text-align: justify;">पोलिसांनी घराचे दार तोडून आत प्रवेश केला असता, बेडरूममधील पंख्याला डेबूने गळफास घेतल्याचं समोर आलं. आत्महत्येपूर्वी डेबूने लिहून ठेवलेली चिठ्ठी पोलिसांच्या हाती लागलेली आहे. त्यात आर्थिक व्यवहाराची देवाण-घेवाण केल्याचं अन त्यातून फटका बसल्याचा उल्लेख आहे. तसेच ज्यांच्याशी पैश्यांची देवाण-घेवाण केली, त्यांची नावं ही नमूद आहेत. त्याच आधारावर तळेगाव पोलीस तपास करत आहेत. दुसरीकडे डेबूचं शवविच्छेदन करून मृतदेह लेखक राजन खान यांना देण्यात आला आहे.</p> <h2>लोणावळा लायन्स पॉइंटजवळ टोकाचे पाऊल घेण्यासाठी उभा, लोकांकडून विनवणी...अंधार पडला अन्...</h2> <p>पर्यटन स्थळी लोकांकडून टोकाचे पाऊल उचलले जाण्याच्या अनेक घटना समोर येत असतात. अशीच एक घटना समोर आली आहे. आपण आत्महत्या करणार असल्याचे सांगणाऱ्या व्यक्तीचे मन वळवण्याचे प्रयत्न स्थानिकांकडून आणि बचाव पथकाकडून करण्यात आले. मात्र, सायंकाळी पडलेल्या धुक्यात आणि नंतर रात्रीच्या अंधारात हरवलेल्या व्यक्तीचा थेट मृतदेहच हाती लागल्याची घटना शुक्रवारी लोणावळ्यात समोर आली.&nbsp;</p> <p>लोणावळा (Lonavala) येथील लायन्स पॉइंट (Lions Point) येथे एक व्यक्ती डोंगराच्या कडेला उभा राहिला होता. त्या घटनेचा व्हिडिओ देखील समोर आला आहे. या माणसाच्या तोंडून सतत मी आत्महत्या करणार आत्महत्या करणार बोलत होता. मात्र त्यावेळी जवळ असलेल्या नागरिकांनी त्याला असे करू नको म्हणत होते. त्यानंतर त्यांनी याबाबत पोलिसांना कळवले. &nbsp;त्यानंतर रिस्क्यू टीम त्या ठिकाणी दाखल झाली. &nbsp;त्यांनी त्याला थांबवण्याचा प्रयत्न केला. मात्र &nbsp;सायंकाळच्या पाच सहाच्या दरम्यान या भागात धुके वाढले, अंधार पडू लागला. त्यानंतर त्या ठिकाणाहून &nbsp;तो व्यक्ती दिसेनासा झाला. मात्र नंतर शोधकार्य सुरू केले मात्र तो सापडला नाही.&nbsp;</p> <p>बेपत्ता झालेल्या व्यक्तीचे 25 सप्टेंबरपासून त्याचे शोधकार्य सुरू करण्यात आले. मात्र त्याचा मृतदेह आता राजगड हद्दीत सापडला असल्याची माहिती पोलिसांकडून देण्यात आली आहे. संतोष शिळावणे वय अंदाजे 42 वर्ष असून &nbsp;तो लोणावळा परिसरातील &nbsp;रामनगर परिसरातील रहिवासी असल्याची माहिती समोर आली आहे. आत्महत्या कोणत्या कारणाने केली हे अद्याप समोर आलेले नाही.</p>